Traballadór servisu doméstiku

- nasionál ka estranjeiru (Adezaun Fakultativa)

Inskrisaun fakultativa iha rejime kontributivu Seguransa Sosiál

 

Inskrisaun iha rejime kontributivu Seguransa Sosiál nian mak fakultativu ba traballadór sira tuirmai ne’ebé aptu ba servisu:

  • Traballadór por konta própria, inklui setór informal (nasionál ka estranjeiru)
  • Traballadór sira servisu doméstiku nian (nasionál ka estranjeiru)
  • Jerente no Administradór empreza sira (nasionál ka estranjeiru)
  • Traballadór nasionál ne’ebé hala’o sira-nia atividade profisionál iha estranjeiru
  • Traballadór sira dezempregadu ho kontribuisaun ba seguransa sosiál pelumenus tinan 3 (nasionál ka estranjeiru)


 

Inskrisaun ba Traballadór servisu doméstiku nian (nasionál ka estranjeiru)

Traballadór servisu doméstiku nian 

Traballadór servisu doméstiku nian presiza hili eskalaun baze insidénsia kontributiva nian.

  • Formuláriu Inskrisaun Fakultativa preenxidu

     

  • Sertifikasaun médika komprovativa katak ema ida ne’ebé interesadu aptu hela ba servisu
    • Sé mak bele pasa sertifikasaun?

Médiku husi Servisu Verifikasaun Inkapasidade sira mak pasa sertifikasaun médika ka, karik sira laiha, médiku sira husi Servisu Nasionál Saúde nian.

 

  • Ba Sidadaun Nasionál aprezenta pelumenus dokumentu Identifikasaun rua husi dokumentu sira tuirmai: 
    • Fotokópia Kartaun Eleitorál;
    • Fotokópia Billete Identidade (BI ho pelumenus validade ba fulan 6);
    • Fotokópia Sertidaun Moris RDTL.

Karik traballadór laiha Billete Identidade, bele halo inskrisaun inisiál ho kartaun eleitorál no Sertidaun Moris.

Karik iha inskrisaun dala rua no traballadór lahatene nia Númeru Identifikasaun Seguransa Sosiál nian (NISS), traballadór presiza aprezenta fali ona dokumentu identifikasaun sira ne’ebé aprezenta ona ba inskrisaun dahuluk.

 

  • Identifikasaun Sidadaun Estranjeiru sira:
    • Fotokópia Pasaporte válidu (ho validade pelumenus ba fulan 6)
       
  • Prezensialmente iha postu atendimentu seguransa sosiál nian iha Díli no iha postu atendimentu seguransa sosiál iha munisípiu sira no iha RAEOA;

Ka

  • Liuhusi email (haruka formuláriu preenxidu, dijitalizadu no asinadu, hamutuk ho dokumentu nesesáriu sira hotu iha aneksu) ba email seguransa sosiál nian: seguranca.socialtl@gmail.com 

Ka

  • Online (kria hela daudaun)
     

Bainhira hakarak, tanba inskrisaun fakultativa la obrigatóriu