Devér prinsipál husi rejime naun-kontributivu mak hanesan tuirmai ne’e:

•  Halo inskrisaun iha sistema Seguransa Sosiál nian *
•  Aprezenta rekérimentu ba prestasaun sosiál (ho formuláriu própriu), preenxidu, asinadu no aneksa dokumentu sira hotu ne’ebé nesesáriu*
• Kumpre kondisaun espesífika sira hotu hodi asesu ba prestasaun sosiál idaidak nian
• Komunika no atualiza informasaun iha Institutu Nasional Seguransa Sosiál (INSS)
• Kolabora ho servisu INSS sira-nian, inklui servisu verifikasaun inkapasidade sira
• Aprezenta an prezensialmente, bainhira INSS husu, hodi realiza prova de vida nian

* Inskrisaun no rekérimentu sidadaun mak halo rasik dala ida de’it.

Iha rejime kontributivu devér prinsipal mak hanesan tuirmai ne’e:

• Halo inskrisaun iha sistema Seguransa Sosiál **
• Kontribu ba rejime kontributivu no selu nia kontribuisaun sira**
• Kumpre prazu garantia, ne’e katak, kumpre períodu minímu kontribuisaun hodi bele asesu ba prestasaun sosiál sira
• Kumpre kondisaun espesífiku sira hotu hodi bele asesu ba prestasaun sosiál idaidak 
• Aprezenta rekérimentu ba prestasaun sosiál (ho formuláriu própriu), preenxidu, asinadu no aneksa dokumentu sira hotu ne’ebé nesesáriu
• Komunika no atualiza informasaun iha Institutu Nasional Seguransa Sosiál (INSS)
• Kolabora ho servisu INSS sira-nian, inklui servisu verifikasaun inkapasidade sira
• Aprezenta an prezensialmente, bainhira INSS husu, hodi realiza prova de vida nian

** Ba Traballadór por konta de outrém (adezaun obrigatória), inskrisaun iha sistema rejime kontributivu seguransa sosiál nian no pagamentu kontribuisaun sosiál sira mak responsabilidade entidade empregadora nian. 

Ba emprezáriu ho naran individuál no ba sidadaun/traballadór sira hotu ne’ebé inskritu fakultativamente iha rejime kontributivu, inskrisaun iha sistema rejime kontributivu Seguransa Sosiál nian no pagamentu kontribuisaun sosiál mak responsabilidade sidadaun/traballadór sira-nian rasik.