Iha inkumprimentu tipu tolu husi entidade empregadora:

Inkumprimentu kontributiva, wainhira verifika katak entidade empregadora la selu kontribuisaun ba seguransa social ka selu la tuir prazu
Simu prestasaun ne’ebé indevida, wainhira verifika katak benefisiariu ida simu prestasaun ne’ebé laos nia direitu
Inkumprimentu dever seluk no obrigasaun legal sira seluk.

Ba kazu inkumprimentu saida de’it, entidade empregadora sujeitu ba kontraordenasaun ne’ebé bele inklui pagamentu koima ka sansaun sira seluk.

Kontraordenasaun ba entidade empregadora sei analiza idaidak no sei depende husi fatór sira tuirmai:

durasaun períodu inkumprimentu
prejuízu ne’ebé kauza ba ema seluk
kulpa (neglijénsia ka dolu)
reinsidénsia

Montante husi kontraordenasaun bele varia tuir tabela tuirmai:

Deklarasaun falsu hatodan koima sira ne’ebé aplika, tanba sei konsidera nu’udar kontraordenasaun todan ka Todan liu.

Limite másimu no mínimu koima sira-nian bele tuun ba metade bainhira entidade empregadora ho totál funsionáriu la to’o 10.

Eziste Dívida ba Seguransa Sosiál bainhira entidade empregadora iha montante ida atu selu ba Seguransa Sosiál ne’ebé refere ba:

Kontribuisaun sosiál ne’ebé la selu iha prazu legál nia laran
Koima no jurus de mora ne’ebé aplikadu ona

Natureza ba pagamentu dívida Seguransa Sosiál bele halo:

Liu husi kobransa regular, no bele selu hanesan forma tuir mai: liuhusi pagamentu diretu (selu montante inte-gral dala ida, ka liuhusi prestasaun sira); liuhusi kompensasaun ho kreditu (kompensasaun ne’ebé halo direta-mente husi servisu Seguransa Sosiál);retensaun to’o 25% husi valor subsidiu/pagamentu no valor ne’e entrega ba seguransa social hodi hamenus montante dívida, eseptu subsidiu husi SEPFOPE ho objetivu atu kria ka mante-in postu servisu, apoio ba dezastre natural; asunsaun tusan husi terseiru;transmisuan ba tusan no subro-gasaun/muda titular ba tusan.

Liuhusi kobransa koersiva: bainhira la halo pagamentu tuir termus regulár, Seguransa Sosiál halo kobransa koersiva, ne’ebé inklui aplikasaun jurus de mora ho taxa 1% no aplikasaun koima sira

Entidade empregadora sira ne’ebé iha dívida ba Seguransa Sosiál labele:

Halo ka renova kontratu ho Estadu, inklui kontratu aprovizionamentu, empreitada obras públikas ka kontratu prestasaun servisu – ne’e duni, atu bele konkorre ba konkursu públiku saida de’it obrigatóriu atu aprezenta Deklarasaun komprovativa kona-ba situasaun kontributiva ba Seguransa Sosiál
Esplora konsesaun servisu públiku sira
Lansa oferta públika atu faan ninia kapitál no, iha subskrisaun públika, títulus partisipasaun, obriga-saun ka asaun sira
Benefisia husi apoiu ka konsesaun subsídiu husi entidade públika sira (exesaun ba subsídiu ba kazu dezastre sira)

Kualkér entidade públika bele halo de’it pagamentu ka fó subsídiu ba Entidade Empregadora sira ho montante boot liu rihun 5 USD, bainhira aprezenta Deklarasaun komprovativa kona-ba situasaun kontributiva ba Seguransa Sosiál.

Pensaun Sosiál (Naun Kontributivu)

Pensaun sosiál vellise fó ba sidadaun nasionál ne’ebe hela iha Timor-Leste, ne’ebé la abranje iha rejime kontributivu (nunka kontribui ka ne’ebé ninia kontribuisaun la to’o/ la sufisiente).

Sidadaun ne’ebé rekere sira nia pensaun sosiál sei halo mos inskrisaun.